Dolli Partonun ölümündən sonra bir çox pərəstişkarı onun inanılmaz uğur qazanan “I Will Always Love You” mahnısının tarixçəsinə, o cümlədən Uitni Hyustonun 1992-ci ildə ifa etdiyi versiyanın böyük uğuruna yenidən diqqət yetirib.
OLAY yazır ki, Dolli mahnını özü yazıb və müəlliflik hüquqlarını qoruyub saxlayıb. Lakin Uitninin ifası ona böyük qonorar qazandırıb. Bəzi hesablamalara görə, Dolli 1990-cı illərdə Uitninin ifasından təxminən 10 milyon dollar müəlliflik haqqı əldə edib.
2021-ci ildə Dolli əldə etdiyi gəlirin bir hissəsini Neşvildə tarixən əsasən afroamerikalıların yaşadığı bir ərazidə yerləşən ofis kompleksinə yatırdığını danışıb. Məlum olduğu kimi, o, bu daşınmaz əmlakı Uitni Hyustonla əlaqələndirib və həmin vəsaiti məhz ora yatırmağı uyğun hesab etdiyini bildirib.
“Neşvildə böyük bir ofis kompleksi aldım. Və düşündüm ki: “Bura möhtəşəm yerdir”. Mən əsasən qaradərili insanların, xüsusilə də qaradərili ailələrin və insanların yaşadığı ərazidə yerləşən bir daşınmaz əmlak aldım. Bura 16-cı prospektdən bir qədər aralıda idi. Düşündüm ki: “Bu yeri — bütün ticarət mərkəzini alacağam”. Və düşündüm: ”Bu, mənim üçün ideal yerdir”, xüsusilə də bunun Uitni ilə bağlı olduğunu nəzərə alsaq” deyə Dolli deyib.
