Elvin Elxan (Müəllif)
Aktrisa və müğənni Marva Hiks 66 yaşında vəfat edib.
OLAY yazır ki, bu barədə “The Hollywood Reporter” məlumat yayıb. Qeyd olunub ki, Hiks Nyu-Yorkda vəfat edib. Sənətçinin meneceri faktı təsdiqləyib.
Xatırladaq ki,Marva 1991-ci ildə “Never Been in Love Before” adlı sinqlı ilə debüt albomunu buraxıb. Hiks qastrol səfərində Maykl Cekson və Stivi Uander ilə duet oxuyub.
O, “Ulduz Yolu: Səyahətçi”, “Kartların Evi”, “Daredevil və Qara siyahı” kimi filmlərdə rol alıb. Sənətçi həmçinin Brodvey səhnəsində “The Lion King”, “Ceroline, or Change” və “Lena Horne: The Lady and Her Music” əsərlərində fəal çıxış edib.
