Rəşad Əliyev (Müəllif)
Rəqqasə Fatimə Fətəliyeva Xalq artisti Aygün Kazımova ilə bağlı diqqət çəkən paylaşım edib.
OLAY yazır ki, sənətçi ötən gün Kazımovanın təqdim etdiyi “Can ol” mahnısı sədaları altında özbək rəqsinin videosunu instaqram səhifəsində izləyiciləri ilə bölüşüb.
Fətəliyeva bu layihəsini Aygün Kazımova həsr etdiyini bildirib:
“Azərbaycan musiqi səhnəsinin əvəzolunmaz ulduzu, estrada musiqimizin banisi Aygün Kazımova illərdir sənət dünyasında öz zirvəsini qoruyur. Onun hər bir mahnısı, hər bir çıxışı tamaşaçı qəlbində dərin iz buraxır. “Can Ol” kimi möhtəşəm mahnısı ilə bir daha sübut etdi ki, o, yalnız dövrün deyil, həm də sənətin fövqündə dayanan bir ifaçıdır. Bu möhtəşəm musiqi və enerji məni də ilhamlandırdı, və mən də öz rəqsimlə divanın yeni musiqisinin trendinə qoşuldum. Bu musiqinin hər notu, hər ahəngi insanı özünə çəkir və sənətə yeni bir nəfəs bəxş edir”.
