Elvin Elxan (Müəllif)Amerikan müğənni Ariana Qrande Montecitoda (Kaliforniya, ABŞ) Meqan Markl və Şahzadə Harri ilə qonşu olan evini 9,1 milyon dollara satıb.
OLAY yazır ki, bu barədə “The Dirt” xəbər yayıb. Qeyd olunub ki, alıcının kimliyi məlum deyil, lakin jurnalistlər onun Hollivudun tanınmış biznes meneceri olduğunu ehtimal edirlər.
Müğənni 2020-ci ildə malikanəni teleaparıcı Ellen DeGeneres və həyat yoldaşı Portia de Rossidən 6,8 milyon dollara alıb.
Təxminən 5300 kvadratmetr olan ərazidə cəmi iki yataq otağı, mətbəx və hamam var. Eyni zamanda, ev tağlı tavanlara və Tudor üslubunda dizayn interyerlərinə malikdir.
