Rəşad Əliyev (Müəllif)
Dünya şöhrətli italyan aktyor və müğənni Adriano Çelentano paylaşımı ilə diqqətləri üzərinə cəmləyib.
OLAY yazır ki, nadir hallarda sosial şəbəkədə paylaşımlar edən 87 yaşlı məşhur indi necə göründüyünü pərəstişkarlarına göstərib.
Fanatlar Çelentanonun yaraşıqlı kişi olaraq qaldığını yazıb və ona uzun ömür arzulayıblar.
“Doğrudanmı, səninlə mən qocalıram?” – deyə, aktyorun həyat yoldaşı Klaudi Mori postda şərh yazıb.
Çelentano isə xanımına cavabında bildirib ki, tək o qocalır. Onun sözlərinə görə, Klaudi Mori həmişə gənc qalacaq.
Qeyd edək ki, son illərdə Çelentano tənha həyat sürür, nadir hallarda ictimaiyyət arasında görünür. O, bütün diqqətini ailəsinə yönəldib. Üç övladı var və bir neçə il əvvəl baba olub.
