Samirə Ərəblinskaya (Müəllif)
“Universitet və məktəblərə fiziki gediş-gəlişi saxlamaqla görürsünüz ki, paytaxt yolları əməlli-başlı tıxacsızdır? Hələ şəhərdə tədbir var, üstəgəl çox yolun bir hissəsi yalnız tədbir iştirakçıları və avtobuslar üçün nəzərdə tutulub”.
OLAY yazır ki, bu sözləri aktyor Elcan Rəsulov feysbukda yazıb. O bildirib ki, Bakıdakı universitetlərin bəziləri regionlara köçürülsə, daha yaxşı olar:
“Beynimə iki ideya gəlib. Məsələn, Universitetləri bir çoxunu gözəl bölgələrimizə daşımaq olar. Tutaq ki, elə ADMİU-nu Şuşaya köçürmək... Onsuz da Şuşa incəsənətimizin beşiyidir, qoy universitetimiz də orada olsun. Eyni zamanda Milli Konservatoriya orada yerləşə bilər. Tələbələr üçün də daha praktik olar. Şəxsən mən Xankəndidəki universitetin tələbələrinin hər dəfə təzə videosu çıxanda sona kimi baxır və ləzzət alıram. İndi təsəvvür edin Şuşada İncəsənət universitetinin tələbələri nə vloqlar yarada bilər. Eyni zamanda “Hoçaz” film də lap yaxında, Laçında bəh-bəh. Siz öz təkliflərinizi yazın görək, təyinatına uyğun olaraq, hansı universitetimizi hansı bölgəmizə daşımaq olar? Yeri gəlmişkən bölgə üçün də xeyli canlanmaya səbəb olar”.
