Rəşad Əliyev (Müəllif)
Amerikalı aktrisa Dakota Conson və “Coldplay” qrupunun solisti Kris Martin toylarını təxirə salaraq ayrılıblar.
OLAY yazır ki, bu barədə “Daily Mail” nəşri məlumat yayıb.
Cütlüyə yaxın mənbənin nəşrə verdiyi açıqlamada bildirilib ki, aşiqlər 7 illik münasibət və nişandan sonra ayrılıb. 34 yaşlı aktrisa ilə 47 yaşlı musiqiçi bir-birindən uzaqlaşmağa və birlikdə getdikcə daha az vaxt keçirməyə başlayıb.
Bu yaxınlarda paparatsiyalarin Dakotanı çimərlikdə nikah üzüyü olmadan obyektivlərə tuş gəlməsi cütlüyün nişanını pozulduğu barədə söz-söhbətə səbəb olub.
Qeyd edək ki, Conson və Martin 2019-cu ildə ayrılsalar da, lakin tezliklə ulduz cütlük yenidən bir araya gəlib. 2021-ci ildə onların Amerikanın Malibu şəhərində mülk aldıqları məlum olub.
