Rəşad Əliyev (Müəllif)
Bir zamanlar reytinqləri alt-üst edən “Amerikalı Top Model” realiti-şousunun aparıcısı və “Victoria Secret`s”in modeli Tayra Benks 19 il fasilədən sonra podiuma qayıdır.
OLAY yazır ki, bununla bağlı 50 yaşlı podium ulduzu instaqram hesabında məlumat yayıb.
Tayra “Bu qayıdır!” başlığı altında izləyiciləri ilə video bölüşüb.
“Victoria Secret`s” adlı dəb şousu oktyabrın 15-də Nyu-Yorkda baş tutacaq. Videoya əsasən, Benksə podiumda məşhurluqda ondan geri qalmayan həmkarı Cici Hadid də qoşulacaq. Bundan əlavə, şouda “Victoria Secret`s”in digər “mələklər”i – Kendis Sveynpol, Teylor Hill, Qreys Elizabet, Devin Qarsiya və başqaları yer alacaq.
