Samirə Ərəblinskaya (Müəllif)
“Əksər sahələrdə olduğu kimi, kinematoqrafiyada da inkişafı, təkmilləşməni təmin edən əsas istiqamətlərdən biri təhlil, elmi yanaşma, məntiqi qənaətlərin çıxarılması, yeni tendensiyaların və gələcək istiqamətlərin müəyyənləşdirilməsidir”.
Bu barədə OLAY-a Azərbaycan Kinematoqrafçılar İttifaqından bildirilib. Məlumatda qeyd olunub:
“Bunları etmək isə kinotənqidçilərin və kinoşünasların üzərinə düşür. Təəssüf ki, Azərbaycanda kinematoqrafiyanın elmi-nəzəri bazasının yaradılması, tənqid-təhlil sahəsində ciddi boşluqlar var. Bütün bu problemlərin sistemli həllinə nail olmaq məqsədilə kino yazarları birləşərək Azərbaycan Kinotənqidçilər və Kinoşünaslar Gildiyasının təsisini elan edir.
Bu il yanvarın 24-də ADMİU-nun dosenti Nadir Bədəlov, kinotənqidçilər Aliyə Dadaşova, Aygün Aslanlı, Nəzrin Mahu, İlqar Quliyev, Ülvi Mehdi, Hacı Səfərov, kinoşünaslar Toğrul Abbasov, Şəhla Əmirli, Sevinc Elsevər, kinoinfo.az saytının redaktoru Ramil Ələkbərov və Azərbaycan Kinematoqrafçılar İttifaqının katibləri Oleq Səfərəliyev və Əli İsa Cabbarovun iştirakilə ilə keçirilən görüşdə səsvermə yolu ilə Nadir Bədəlov Azərbaycan Kinotənqidçilər və Kinoşünaslar Gildiyasının sədri, kinotənqidçilər Hacı Səfərov və Aygün Aslanlı müavinlər seçiliblər.
Gildiya, ölkədə film istehsalına dəstək vermək, həmçinin audiovizual məhsulların bədii keyfiyyətinin yüksəlməsini stimullaşdırmaq məqsədilə, fəaliyyətinə yerli kinotənqidçilərin mükafatını təsis etməklə başlayır. Belə ki, gildiyanın rəhbəri professor Nadir Bədəlovun başçılığı ilə 17 kinoyazardan ibarət heyət 2024-cü il ərzində ölkə ərazisində bu və ya digər şəkildə böyük ekranlara çıxmış – kinoteatrlarda prokata buraxılmış və ya festivallarda nümayiş olunmuş ümumi 40-a yaxın uzun və qısametrajlı bədii və sənədli filmləri peşəkar kateqoriyalarda dəyərləndirməyə çalışıblar. Seçim mərhələsinin qısa siyahısına daxil olan filmləri təqdim edirik.
Siyahı 10 ballıq qiymətləndirmə sistemilə hazırlanıb, ardıcıllıq şərtidir.
Tammetrajlı bədii filmlər kateqoriyasında:
Ən yaxşı ssenari nominasiyası:
“Qapı” – (ssenari müəllifləri Vüsal Əhmədzadə, Emin Əfəndiyev, Əlixan Rəcəbov)
“Səma ilə görüş” – (ssenari müəllifləri: Orxan Mərdan, Vüqar Hüseynov, Talıb Əhmədov)
“Tənha insanın monoloqu” – (ssenari müəllifi: Emin Əfəndiyev)
“Səriyyə” – (ssenari müəllifi: Əlixan Rəcəbov)
“İtən gündəlik” – (ssenari müəllifi: Sədaqət Kərimova)
“21-ci möcüzə” – (ssenari müəllifləri: Elçin Muradov)
“Ən yaxşı rejissor işi” nominasiyası:
“Səma ilə görüş” – (rejissor: Rüfət Şahbazov)
“Apatiya – 1” – (rejissor: Hikmət Rəhimov)
“Qapı” – (rejissor Vüsal Əhmədzadə)
“Tənha insanın monoloqu” – (rejissor: Emin Əfəndiyev)
“21-ci möcüzə” – (rejissor: Şahin Qəhrəman)
“Qarabağ FK: 30 mövsüm səfərdə” – (rejissor: Fuad Quliyev)
Ən yaxşı operator işi nominasiyası:
“Səma ilə görüş” – (quruluşçu operator: Şahmar Səfəroğlu)
“Apatiya – 1” – (quruluşçu operator: Həsən Aslanov)
“Səriyyə” – (quruluşçu operator: İman İmanov)
“21-ci möcüzə” – (quruluşçu operator: Şahmar Səfəroğlu)
“Tağıyev: Neft” – (quruluşçu operator: Vladimir Artyemev)
“Tənha insanın monoloqu” – (quruluşçu operator Daniel Quliyev)
Ən yaxşı musiqi həlli nominasiyası:
“Apatiya-1” – (bəstəkar: Əflatun Abdullayev)
“İtən gündəlik” – (bəstəkar: Sədaqət Kərimova)
“Səma ilə görüş” -(bəstəkar: Ruhin Məmmədov)
“21-ci möcüzə” – (bəstəkar: Rüstəm Zeynallı)
“Tağıyev: Neft” – (bəstəkar: Etibar Əsədli)
“Tənha insanın monoloqu” – (bəstəkar: Azər Hacıəsgərli)
Ən yaxşı rəssam işi nominasiyası:
“Tənha insanın monoloqu” – (quruluşçu rəssam: Arif Niftiyev)
“Apatiya – 1” – (quruluşçu rəssam: Mələksima Məmmədova)
“Tağıyev: Neft” – (quruluşçu rəssam: Səbuhi Atababayev)
“Səma ilə görüş” – (quruluşçu rəssam: Sevda Qasımova)
“21-ci möcüzə” – (quruluşçu rəssam: Vüqar Qurbanov)
“Səriyyə” – (quruluşçu rəssam: Elvin Əliyev)
“Ən yaxşı aktyor” nominasiyası:
“Qapı” – (Nurlan Rüstəmov)
“Apatiya-1” – (Tural Baxış)
“Tənha insanın monoloqu” – (Elşən Əsgərov, Mahir Dərviş)
“Səma ilə görüş” – (Taleh Yüzbəyov)
“Aktyor” – (Səmimi Fərhad)
“İtən gündəlik” – (Məzahir Səlimov, Edqar Əmrahov, Amil Mehdiyev, Anar Əhmədov və başqaları)
“Ən yaxşı aktrisa” nominasiyası:
“21-ci möcüzə” – (Kəmalə Priyeva)
“İtən gündəlik” – (Zafina Mirzəbəyova, Eleonora Abdullayeva, Leyla Saydumova, Rəhilə Ömərova və digər başqaları)
“Səma ilə görüş” – (Kəmalə Piriyeva)
“Apatiya – 1” – (Şəhla Əliqızı)
“Səriyyə” – (Nazı Heydərova)
“Hozu dayə” – (Zemfira Əbdülsəmədova)
“Ən yaxşı film” nominasiyası:
“Qarabağ FK: 30 mövsüm səfərdə”
“Qapı”
“Səma ilə görüş”
“Apatiya-1”
“Aktyor”
“Tənha insanın monoloqu”
Ən yaxşı qısametrajlı bədii film nominasiyasında:
“Quyu” (rejissor Rüfət Rey)
“Uzaq” (rejissor Daniel Quliyev)
“Lent” (rejissor Mürvüqar Əbdülov)
“2-ci planetin qırmızı rəngi” (rejissor Azər Quliyev)
“Səssizliyin qanadı yoxdur” (rejissor Zaur Muxtarov)
“Şam bağı” (rejissor İlkin Umarov)
Ən yaxşı qısametrajlı sənədli film nominasiyasında:
“Evsiz qalmış ay” (rejissor Atanur Nəbiyeva)
“Novruznamə” (rejissor Ərturan Nəcəfi Göl)
”Prius” (rejissor Emil Əli)
”Tanrının xilas əli” (rejissor Babək Abbaszadə)
”Babamın evi” (rejissor Leyla Qənbərli)
”Pov: memory” (rejissor İqor Smola)
Qaliblərin adları yaxın günlərdə aki.az saytında elan ediləcək”.
