Bu həftə Bella Hadid Nyu-York küçələrini öz şəxsi podiumuna çevirib.
OLAY yazır ki, 29 yaşlı model Nyu-York Moda Həftəsi çərçivəsində şəhərə səfəri zamanı beş müxtəlif geyimdə fotoqrafların hədəfinə tuş gəlib.
Bazar ertəsi Bella günə gündəlik, payız üslublu geyimlə başlayıb. O, ağ futbolkanın üzərindən qəhvəyi südlü dəri gödəkçə və flanel köynək geyinib, obrazını isə qatlanmış tünd cins şalvar, traker kepkası və UGG "Classic Ultra Mini" botları ilə tamamlayıb.
1)
Bir neçə saat sonra Bella şam yeməyinə gedərkən gündəlik geyimini "Prada"nın 1998-ci il yaz/yay kolleksiyasından vintaj şampan rəngli atlaz kombin-donla əvəz edib.
2)
Çərşənbə axşamı Bella dəbli tərzini nümayiş etdirməyə davam edib. Əvvəlcə o, oteldən çıxarkən ağ köynəyin üzərindən geyinilmiş dar boz trikotaj don və "Valentino" dabanlı ayaqqabıları ilə diqqət çəkib.
3)
Elə həmin günün axşamı o, Beşinci Avenyudakı "Chopard" butikini ziyarət edib; üzərində açıq sarı mini don və ona uyğunlaşan qısa bleyzer olub. Bella bu obrazını naxışlı mini çantası, gün eynəyi və dabanlı ayaqqabıları ilə tamamlayıb.
4)
Beşinci və sonuncu obrazı üçün Bella "Casa Cipriani"dəki "Chopard" tədbirində iştirak etmək üçün parıldayan yerə qədər uzanan don geyinib. Metallik parıltılı don qızıl və gümüş tonlarını birləşdirib; o, bu geyimi parlaq zinət əşyaları, kiçik gümüşü çanta və uyğun dabanlı ayaqqabılarla tamamlayıb.
5)
